Dorf Grand prix 2018

Wia scho seid 18 Joahr hot am letztn Somstog im Joahr der scho traditionelle Dorf Grand Prix in Weißnboch stottgfundn. Und obwohl an dem Wochnend glei mehrere Veranstaltungen woan, darunter auch a Oldtimer Rennen, hot unser " El Präsidente" Herr Karl über 90 Teilnehmer begrüßn deafn, wos a gleichzeitig beweist, dass unser Rennen unter den Oldtimer Freunden sehr beliebt is. Vor allem unsere Puchfreunde aus Trautenfels, Altirdning und Ramsau woan a wieder stoark vertreten, des gfreit uns natürli gonz besonders. Und so hot a da Petrus a Einsehn mit uns ghobt und hot in Wossahohn rechtzeitig obdraht. A groß Donkschein dafia und gleichzeitig di Bitte uns a im kommenden Joahr vor der Dusche von oben zu verschonen. 

Für monche woas a Duell unter Freunden, für ondere is um fü gongen und fia ondere wieder noch dem Motto: "dabei sein is alles".

A oanziger Wehrmutstropfen  woa, dass nit fü Zuaschauer des sponnende Specktakel verfolgt hom. Dabei san fü schöne und zum Teil a seltene Mopeds und Motorradl zan sehn gwen.

Da bei uns die Teilnehmer an Rundkurs fohan, besteht die Möglichkeit mit zwoa verschidene Foahrzeug an den Start zu gehn. So is bei da Siegerehrung numoi richtig sponned woan und es hot zum ersten Moi is Kuriosum gebn, dass oana mit oan Motorradl 3. und mitn zweitn Motorradl 2. woan is. Und wia ma auf di Siegerfotos deutli erkennen ko, is des a Familienduell unter die vier " O`s " woan ;-) wobei die Jüngste von dem Familien-Clan die Nasn um a poa 1000stel vorn woa und  bereits zan zweitn Moi is Holzmandl gwonnen hot.