Eisstockschiessen bei lieben Freunden

Am 18. Jänner hot auf Einlodung von uneren Trautenfelser Puch Freundn is 2. Stock schiassn stott gfundn. Trotz dem fün Schnee schaufln die letztn Tog davor hom sich do 28 Stock Schützn dazua eingfundn. Glei am Onfong hom ma unsere Eisstöcke auf da perfektn Eisbahn eingschossn und uns mit Tee mit hochprozentign Inhoit aufgwärmt.

Noch dem die Regln erklärt woan san, die Monschoftn einteilt woan, die Längen fias Essn ausgmocht woan und a jeder sei Seitn gfundn hot ;-) is losgongen.

Am Onfong woa is Glück jo nu auf unserer Seitn, don hots leider di Seitn gwechselt, des traut si wos, an unsere Freunde gongen. Mia homs Essn gern in Trautenfelsern überlossn, des wos wichtiger woa, nämli is "Flüssige", hom ma don selber gwonnen;-)

Und so hom ma is gleiche Ergebnis wia letzts Joahr eingholt und da Wonderpokal is bei den Trautenfelsern bliebn. 

Und die Holztafel mit den Ergebnissen der zwoa Treffen festghoitn san, deaf gern in ean Stammlokal hängen, don sehn mas nit so oft. 

Bei an guadn Essn und so monchn Glaserl is da Abend don nu gmiatli ausklungen. Und olle woan ma uns einig, nächts Joahr gibts a Revance, don drahn ma is Ergebnis um ;-)

A herzliches Danke an unsere Freunde fia den gelungenen Abend und besonders an Mary für die Beisteuerung von a poa Beweisfotos.