Fasching 2020

Faschingsumzug in Weißenbach, des is a a Pflichttermin fia in Puch Club. Und egal ob "die Entführung des Bankomatn" oda "is Leitspital", unsern Puchlern gehn die Ideen fia sowos nit aus ;-)

So woa heier is Thema "Schneewittchen mit Ihr`n Zwergenharem" Nur, wer is is Schneewittchen??? Wer passt am bestn fia de Rolle?? Und so is noch longem überlegn die Wahl auf is zart besaiteste Mitglied gfoin. Und wia ma siacht, oafoch a Bild für Götter ;-), koa Onderer hätt des besser gmocht ois unser allseits beliebter Obelix. Dazua sei goldene Hälfte ois di böse Schwiegermami. A Dream Team, besser hätts koa Regisseur mochn kena. Dazua nu die Zwergal ois Fuassvolk, owa won mi meine oidn Augn nit gonz täuschn, san do a scho a poa Rotmützn moderna unterwegs. Zwoa mit Oldtimern, owa immerhin auf 2 Radl. Des zoagt, dass a die Zwergal mit da Zeit gehn. 

Unser Puch Club, oafoch fia jede Gaudi zan hom 😘😘