Planner Bergpreis

Da Planner Bergpreis is durch sein spotn Termin immer a wengerl a Lotterie Gspü unter den Zwoaradl Foahrer. Weil so um an 20. Oktober kons a scho moi Schnee gebn. 

Owa heier hots Wetter guad gmoand mit die Teilnehmer. Und so woan gonz an Haufn Zwoaradln und Vierradln am Start. In da friah woas zwoa nu ziemli frisch, do des hot uns Puchler nit davon obghoitn do mit zu foahn. Und so hom sich 12 Puchler aufn Weg noch Donnersboch gmocht um sich mit vielen Freunden zan letztn Rennen in dem Joahr zu treffn. Is jo scho die Onreise jeds Moi a Abenteuer. Schließlich muass jeder Teilnehmer um zan Start zu kema, erst moi zwischn di fün Kirtog Standl durch. So ois erste Generalprobe. Doch des hot nu jeder guad gmeistert. Nua beim Rennen hots don hoit desmoi leida  nit so hinghaut, wia mas gern ghobt hätn.

Drum, wia hot oana von uns Puchlern bei da Siegerehrung gmoant, es woan nu nia so fü von uns do dabei und trotzdem hots desmoi koana unter di erstn 10 gschofft ;-) 

Wos suis, Spass hots trotzdem gmocht und während des redns is a wieda fü gschraubt woan. Und des gonze Panorama und drum herum entschädigt fia ois. 

Jetzt is erstmoi Winterpause und im Fruahjoahr start ma hochmotiviert in die neiche Saison.